Kamp referat:
Ein flott dag for fotball og ei glimrande kunstgrasbane på Straume var ramma for første haustkampen. På grunn av ferjetrøbbel over sognefjorden kom Thomas for seint til avspark og dermed fekk Marius sin debut for Viggo. Kampen starta jamt, men det tok ikkje lenge før Viggo fekk overtaket. Trass i dette er det Sotra som får det første målet. Eit frispark frå Sotra sin høgrekant blir skrudd innover og Sotra klarar og stange inn leiing 1-0. Viggo forsette å styre kampen og ikkje lenge etter får vi utligninga. Stian dunkar til frå 20 meter og ballen suser inn til 1-1. Så skjer det fort på Straume og Marius kronar debuten med å sette inn sitt første mål til 1-2. Like etterpå er det Ørjan som prøvar skotfoten og det nydelege langskotet susar inn i hjørnet til 1-3.

Viggo har fleire store sjansar til å auke leiinga etter 1-3 scoringa, men etter kvart mistar Viggo initiativet i kampen. Vi blir meir passive i duellane og vi prøvar på litt fikse ting i staden for å gjere ting enkelt. Om lag 10 minutt før pause blir vi straffe for dette når Sotra køyrer ein overgang og får til ei redusering til 2-3.

Etter pause startar kampen jamt, men Sotra riv etter kvart til seg initiativet i kampen. Utlikninga kjem om lag 10 minutter etter pause. På dette tidspunkt er det Sotra som er det beste laget og har kontroll på det meste som skjer. Men Viggo hevar seg igjen utover omgangen og vi tar på nytt leiinga når Eirik styrer inn 3-4. Sotra slår tilbake umiddelbart og utlikninga til 4-4 kjem få minutt etter. På ein corner om lag 10 minutt før slutt stangar Thomas inn 4-5 på bakerste stolpe og Viggo er igjen i leiinga, men nok ein gang utlikningar Sotra rett etterpå. Etter 5-5 scoringa er det jamt på og kampen ebbar ut utan fleire scoringar.