Kamp referat:
Vi reiser til Askøy med ein liten tropp. Helge og Tim stiller som innbyttarar og med fleire halvskada spelarar i start 11-aren er ikkje det den heilt store optimismen før start. Men vi startar kampen bra og tar tidleg initiativet i kampen. Vi er aggressive i presset og skapar alt som er av sjansar i første omgang. Vi har fleire store sjansar, men får ikkje uttelling på sjansane. Målet kjem omlag 10 minutt før pause når Stian setter eit frispark direkte i mål frå omlag 30 meter. Ein fortent ledelse som vi holder til pause.
Vi bestemmer oss for å gå ut å forsette den gode innsatsen og vi forsetter å styre kampen i starten av 2.omgang. Vi skapar fleire store sjansar men klarar ikkje å omsette sjansane i mål. Libido legg om formasjonen midt i omgangen og dei tar kontrollen ein periode midt i omgangen. Dei skapar nokon farlige sjansar, men Morten tar alt som kjem. Viggo tar over kampen igjen og etter 80 minutter drar Sjur seg flott fri på høgresida og vender vekk forsvararen før han skrur ballen i lengste vinkel. Eit flott mål!
Ikkje lenge etterpå er Ørjan frampå og dunkar inn 3-0 til ein fortent seier til Viggo.