|
Flotte forhold for fotball på Nymark denne
onsdagen. Og når bana var ledig før vår tid fekk vi spelt 2 x 45 min mot
Hordabø. Kampen starta ikkje bra for Viggo, Hordabø tar kontroll på spelet og
pressar Viggo bakover på bana. Viggo skaper lite framover og mistar ballen
enkelt fleire gangar i det oppbyggande spelet. Vi slit og litt med nye folk i
ulike posisjonar som gjer at vi henger dårlig saman i midtbaneleddet. Og når vi
då ikkje går skikkelig inn i duellane blir det Hordabø som styrer mykje av
kampen i starten. Etterkvart kjempar vi oss meir inn i kampen og vi finn
kvarandre betre, samtidig som vi gjer ting enklare. Vi lar ballen gå kjappare
framover og treffer betre på pasningane. Dette fører til at vi kjem til fleire
sjansar utover omgangen. Etter omlag 30 minutter tar David eit langt utspark som
går heilt fram til Shatty. Shatty lobbar ballen elegant over den utrusande
keeper og til 1-0 ledelsen til Viggo. David står ein flott 1.omgang der han
rydder opp i stor stil og kommanderer forsvaret foran seg, og er viktig i at
Viggo holder ledelsen til pause.
I pausen foretar vi nokon bytter slik at 4 nye startar
2.omgang. Vi startar 2.omgang veldig bra og har full kontroll på det
meste som skjer på Nymark. Vi skapar fleire farlige sjansar på at vi er
presise i pasningane framover på bana, vi vinner fleire duellar og
kjempar bra i heile laget. Omlag 20 minutter før slutt kjem Jon for
seint inn i ei takling og treffer spissen til Hordabø, som i heile
kampen så langt har vore for seint inne i alle duellar. Men etter å ha
blitt takla av Jon klikkar det fullstendig for spissen og dommaren viser
han korrekt det raude kortet etter at han tar tak og legg Jon i bakken.
Vi skapar eit par store sjansar midt i 2.omgang. Børge har eit
kjempeskot og Bobbo får ein fin sjanse etter at Jørn har flott overblikk
og lar ballen gå til Bobbo. Mot slutten går litt av konsentrasjonen ut
av Viggo, og vi heng dårligare saman som lag. Hordabø kjem meir med i
kampen igjen og får eit par sjansar heilt mot slutten, men klarer ikkje
å overliste Trond. Kampen endar dermed med 1-0 seier til Viggo. |
