Viggo møter mannssterke opp til sesongstart på Viggo Stadion i sludd og regn. På motsatt banehalvdel stod Vestkysten, eit lag ingen av oss kjente til frå før. Kampen starta jamt og begge lag hadde nokre gode sjangsar. Men det er Vestkysten som får hull på byllen først. Dei skorar to kjappe, eit på dødball og eit etter ein tabbe bak. Etter halvtimen utliknar Robert med ein lekker hælflikk frå corner. Vi går til pause med 1-2.

Etter pause får Vestkysten to raske mål og går opp til 4-1. Vi får redusert ved Alex etter ein tabbe bak hos Vestkysten, men får ein rett i fleisen rette etterpå og Vestkysten går opp til 5-2. Vi prøver å presse høgare og lykkast med det då Tor reduserer til 5-3 etter fin assist med hodet frå Alex. Med omtrent 20 minutt igjen på klokka setter Espen inn 5-4. Ikkje lenge etterpå klussar forsvarer og keeper det til hos Vestkysten og eit langt oppspel frå Basse går rett i mål. Viggo er på hugget og har overtaket i kampen. Med omtrent 10 minutt igjen setter Thomas ballen klinisk i motsatt hjørne frå spiss vinkel og vi har snudd kampen.