Kretsen har etter vårsesongen delt 7ar avdelingane inn i tre divisjonar og etter ein svak haustsesong hamna vi i tredje divisjon. Vi startar derfor haustsesongen med blanke ark og målet er sjølvsagt å rykke rett opp. Kampen startar jamt og spelet bølgar ein del att og fram. Men det er vi som scorar først då Tor vender opp inne i feltet etter innkast og legger ballen i lengste. Vi spelar tidvis bra, men sliter også litt med kontringar i mot og vi mistar litt kontroll på markeringane. Vadmyra får redusert etter knappe 20 minutt etter at spiss tar ned eit langt oppspel og legg ut til umarkert spelar som sett ballen i mål frå ti meter. Vi har mykje fint spel når vi tar oss tid og viser tolmod med ballen. Etter halvtimen får Thomas satt ballen i mål frå skrått hald. Ikkje lenge etter scorar Espen etter at Marcin fossar opp langs høgresida og får spelt inn foran mål der Espen er heilt aleine. Rett før pause scorar Adrian etter eit fint angrep der ballen går raskt og på få touch. Vi ledar fortent 4-1 til pause.

Tidleg i andre omgang knuser Kjell til på volley frå distanse. Keeper får med nød og neppe stoppa skotet, men Adrian er på plass og setter inn returen. Vi har no relativt god kontroll på kampen og slepper Vadmyra til mindre enn i første omgang. Likevel er det Vadmyra som får redusert etter eit tungt skot. Kampens høgdepunkt kjem etter 75 minutt då Thomas knuser ballen i mål frå distanse. Sjeldan har guten smilt breiare. Like etterpå setter Kristoffer inn vårt sjuande og vi surfar inn siste 15 og tar ein fortent siger etter ein vel gjennomført kamp.