Eit motivert Viggo lag var bestemte på å heve seg kraftig etter den svake kampen mot Os. Kampen startar og bra for Viggo og det er spelt berre 2 minutt når Marius får ballen frå Steinar og drar seg fri frå Djerv forsvaret og setter inn 1-0. Viggo held oppe trykket og vi pressar Djerv lave i bana og vinn ballen høgt i bana. 2-0 kjem etter at Martin får ballen frå Daniel på venstrekanten og skrur den i lengst hjørne.

3-0 kjem på ein flott overgang når Sjur kjem fossande fram på høgresida og spelar til Marius som setter ballen sikkert i mål.

Etter ein corner frå Martin scorar Marius sitt tredje for dagen når han stangar inn 4-0.

Det er og stillinga til pause etter ein strålande omgang av Viggo der vi har fleire sjansar til å score fleire mål. Djerv skapar nesten ingenting og er farlegast når dei får eit par dødballar.

Andre omgang startar som den første med overtak til Viggo og det tar ikkje mange minutta før Anders sler ein presis corner til Ove som kan styre inn 5-0.
Djerv får seg ei redusering omtrent når det er spelt 1 times tid, men Viggo holde på trykket utover omgangen og kunne ha scora mange mål. Etter 79 minutt kjem det endeleg utteljing når Daniel fintar seg fri og plasserer ballen i mål heilt nede ved stolpen.

5 minutt før slutt kjem kampens siste scoring når Benyamine legg igjen til Anders som plasserer ballen heilt oppe i lengste krysset.

Ein godt gjennomført kamp av Viggo som sikrar sesongens femte strake heimeseier.