Sesongstart mot Rosendal på Viggo stadion i varierande Aprilver.

Viggo startar med vinden imot i første omgang, men det tar under 2 minutt før vi scorar årets første mål. Martin kjem seg fint ned på venstrekanten og sler ballen ut til Anders som dunkar ballen i mål til 1-0. Viggo held oppe trykket og vi skapar fleire sjansar dei første minutta. Etter 12 minutt er Martin på veg framover og blir lagt i bakken på omtrent 25 meter. Anders tar fart og dunkar frisparket i mål og aukar leiinga til 2-0.

Det unge Rosendal laget kjem meir inn i kampen etter kvart og får etter kvart til ein del fine kombinasjonar, men det manglar presisjon i den siste tredje delen og dei slit med å komme seg til sjansar.

Viggo spelar ein god første omgang og vi scorar vårt tredje for dagen når Anders sler ein presis corner til Marius som headar inn 3-0 etter 21 minutt. Resten av omgangen er det jamnare, men heile tida med Viggo som laget som skapar mest og er nærmast fleire mål.

2.omgang starta og best for Viggo og etter 12 minutt legger Martin ein flott corner som Marius headar inn til 4-0. Etter dette byttar vi litt på laget og lar fleire få sjansen til å vere med. Vi held initiativet i kampen trass i bytta, men det blir ikkje fleire mål, slik at kampen endar med 4-0 seier.

Ein godt gjennomført kamp av Viggo mot eit ungt Rosendal lag. Vi skapar mykje sjansar og klarer å sikre ein solid seier.