Vi tok i mot Ragnarok heime på Viggo stadion søndag kveld. Vi åpna kampen relativt bra og har grei kontroll på motstandaren og skapar sjansar sjølv. Men det går uvanleg lenge før første målet kjem. Vel forbi 20 minutt setter Christian inn 1-0 etter ein flott halvvolley frå skrått hald. Dessverre reduserar Ragnarok like etter ved ei heading etter innkast. Men Adrian vil ikkje vere dårlegare og skorar med eit meget kontant hodestøt også etter innkast. Ikkje lenge før pause får vi ei kontring og Tor avsluttar kontant nede i hjørnet. Vi går til pause med 3-1 etter ein godkjent omgang.

Vi startar også 2. omgang bra og har veldig god kontroll på Ragnarok, mykje takka vere at Daniel styrer skuta meget bra i forsvar. Også i 2. omgang går det lang tid før første målet kjem. Ragnarok pressar oss meir og meir utover i omgangen og vi blir liggande veldig låge. Ragnarok får redusert til 3-2 etter klabb og babb. Det går mot ein svært spennande innspurt og tempoet er høgt mot slutten av kampen. Heldigvis er det vi som får det neste målet då Karsten setter inn 4-2 frå kloss hald. Ragnarok rekker akkurat å redusere ein gong til, men det er det siste som skjer og vi tar tre nye poeng.

Mange av 7’ar spelarane var bortreist denne søndagen, så vi fekk låne fire karar frå A-laget og samtlege spelte bra. Når dei i tillegg står for to av skoringane kan vi ikkje anna enn å takke for innsatsen!