Toppkamp mot Os 3 på Kuventre i litt grått juniver. Kampen startar jamt og begge lag har nokon halvsjansar dei første minutta. Etterkvart tek Os over og 1-0 kjem etter innlegg frå Os sin høgrekant som Hendrik er uheldig å styre imål bak Morten. Viggo klarer ikkje å få til noko særleg utover omgangen, og vi gjer veldig mange personlege feil som gjer at Os får mange sjansar til å auke leiinga. Dei får ikkje uttelling før det nærmar seg pause når 2 kjappe scoringar gjer at stillinga er 3-0 halvveis.

I pausen er vi enige om å prøve å rette opp den elendig førsteomgangen, men vi får ein dårleg start på andre omgang når høgrekanten til Os klinkar inn 4-0 etter får minutter. Viggo kjempar seg litt inn i kampen utover omgangen og Hendrik reduserer til 4-1 etter innlegg frå Sjur. 4-2 kjem midtvegs i omgangen når Hendrik pressar ein Os spelar til å heade eit innlegg frå Daniel i eige mål.

Viggo pressar på for enda ei redusering, men heilt mot slutten kjem det 2 kjappe scoringar imot slik at stillinga blir 6-2.

.