I sesongens første bortekamp gjekk turen til Bergen Vest og den små bana til Mathopen. Lav kveldssol førte til at Viggo valgte å starte med sola i ryggen i første omgang. Mathopen startar kampen best og er mest aggresive dei første minutta. Dei kjem fram på kantane og pumpar ballar inn framfor mål.

Etter 8 minutt kjem 1-0 etter eit innlegg frå Mathopen sin høgrekant som blir styrt inn i mål. Etter målet hevar Viggo seg og vi får til meir av det vi har planlagt før kampen. Etter eit par farlege innkast og cornar, trur vi at vi har utlikna når eit innkast blir stussa på første stolpe før ballen blir dunka i mål på bakerste stolpe. Dommaren har derimot sett eit eller anna og annulerer. Kva han har sett er forsatt eit mysterium.

Vi held oppe trykket og etter 18 minutt har Hendrik ein flott brasse som keeper får slått over mål til corner. Mange farlege situasjonar oppstår etter innkast og etter 25 minutt skyt Martin like utanfor etter eit lang kast frå Sindre.

Mathopen skapar og ein del farlige situasjonar og Morten må etter halvtimen utføre ei kjemperedning for å hindre nok eit baklengs.

Etter 39 minutt får vi endeleg utteljing når Martin driblar seg ned langs venstresida og spelar igjennom Are som sikkert setter inn 1-1.

Begge lag har fleire sjansar til å score fleire før pause, men det står 1-1 halvvegs.

Andre omgang startar jamt og det er ingen av laga som klarer å skape noke store sjansar til score. Fram til omlag midtvegs i omgangen tar Viggo meir og meir over og vi skapar etterkvart ein del farlege dødballar, men klarar ikkje å få utteljing. Siste halvdel av omgangen kjempar Mathopen seg inn i kampen, og i den siste delen blir Viggo pressa langt  bak på bana. Dei skapar ein del sjansar til å score, men klarer ikkje å få ballen bak Morten. Kampen endar dermed 1-1, eit resultat vi skal vere bra fornøgde med mot eit godt Mathopen lag.