Vi tok i mot Høyden til sesongens siste heimekamp på Nymark søndag ettermiddag. Ein rotete og tafatt start på kampen for begge lag, men vi tar oss opp etter kvart. Håkon setter vårt første på bakerste etter ein korner. Sjur legger på til 2-0 rett etterpå. Bobbo, som endeleg er tilbake på bana, får drar seg forbi ein forsvarar og setter ballen fint i mål. Vi er inne i ein god periode og Kristoffer får satt in 4-0 etter at ballen detter ned i feltet etter frispark. Etter halvtimen spelt setter Tor ballen i lengste på halvvolley. Håkon får satt sitt andre og vårt sjette etter at han vinner ballen høgt og setter den fint i nærmaste. Like etterpå får Høyden sitt første mål for kvelden. Vi går til pause med 6-1 leiing etter ein absolutt godkjent førsteomgang.

Vi begynner bra i andreomgang og Bobbo får satt sitt andre for kvelden etter at han tar i mot eit oppspel frå Tor, drar seg fri og legger ballen fint i lengste. Etter dette fell vi litt i hop og lar Høyden ta over kampen. Dei kjem ofte i overtal og får satt tre mål på rappen. Vi har heldigvis ingen planar om å miste kampen og Sjur drar av ein mann og tåsar den fint i lengste. Ikkje lenge etterpå vinner same mann ballen i eige felt, setter på turboen og spelar Adrian fint igjennom som er sikker. Høyden reduserer ein gong før Tor også får satt sitt andre etter Bobbo legger igjen og Tor legger den i nærmaste hjørne. Med 84 min på klokka vil Mikal vere med på moroa og klinar ballen i mål frå langt hold. Høyden får nok ei redusering før Mikal igjen lader kanona, denne gang på frispark.

Vi tar ein fin-fin 12-6 siger etter mykje fint spel og god hjelp frå karane frå a-laget.