Vi tok i mot serieleiar Baune heime på Nymark. Vi får ein veldig god start då Kjell kjem heilt aleine gjennom etter eit minutt. Han har griseflaks og får ballen i mål på tredje forsøk. Etter 10 min reduserer Baune etter at Marius er uheldig og stussar ballen i mål etter eit hardt frispark. Dette er starten på ein dårleg periode for oss og vi slepper inn fire mål på drøye ti minutt. Etter 22 minutt står det altså 1-4. Vi hevar oss etter dette og tar over banespelet, men får ikkje uttelling. I staden får Baune endå eit mål. Det skjer ikkje meir før pause og stillinga er 1-5 halvvegs.

Vi føler at resultatet ikkje reflekterer kampen og at vi er på høgde med Baune. Vi går ut i andre omgang bestemt på å snu kampen. Vi begynner veldig bra og Kristoffer får redusert etter fint spel med Adrian. Det går ikkje lenge før Baune får satt sitt sjette for dagen etter at eit frispark går direkte i mål. Vi fortsetter å prøve og køyrer kampen. Vi skapar bra med sjansar og Baune slit med å forsvare seg. Etter omtrent 65 minutt får vi redusert etter at Jan-Erik kjem aleine gjennom etter ei kontring og setter ballen lekkert i mål. Knappe ti minutt seinare setter Daniel eit frispark i kassa og vi har verkeleg blod på tann. Vi pressar på og stressar Baune, men dessverre klarer vi ikkje å få ballen i mål og kampen endar 4-6. Vi spelar ein meget god 2. omgang og køyrer regelrett over Baune. Med litt meir dyktighet foran mål og litt meir kontroll defensivt i første omgang hadde vi definitivt fått minst eit poeng ut av denne kampen. Uansett var det positivt at vi matcha serieleiaren, og fortsetter vi spelet som i dag kjem vi til å ta massevis av poeng utover i sesongen.