Før kampen er det klart at vi havnar på 4.plass i vår avdeling. Fri kan ta 2.plassen og kvalikk-plass med 4-målsseier og Loddefjordtap.

Dagens kaptein Roger, tapar sidevalet og Viggo startar med sola i ansiktet i første omgang. Fri starta kampen best og allereide etter 4 minutter må Morten hente ballen ut av målet når Fri tar leiinga 0-1. Fri er og det klart beste laget i første omgang og dei skapar fleire store sjansar til å score mål. Etter 14 minutt scorar dei sitt andre på eit frispark frå om lag 20 meter. Resten av første omgang er det Fri som jagar fleire scoringar, og Viggo slit med å skape noko framover på bana.

I andre omgang hevar Viggo seg litt og kjem meir med i kampen. Det er likevel Fri som får uttelling og scorar måla. 0-3 kjem etter omtreng 70 minutter og 0-4 kjem heilt på slutten av kampen. Viggo har eit par sjansar men maktar ikkje å score mål, og kampen endar med 0-4 tap.