|
Kamp referat:
Våt og surt
i opptakten til kampen, og Sotra 2 såg ut til å like dette best
i starten av kampen. Dei starta i alle fall klart best og
pressar Viggo høgt på bana. Viggo gjer mykje feil dei første
minutta og vi kjem oss ikkje opp i bana. Etter kvart kjem Viggo
meir inn i kampen og vi får ballen til å gå i laget. Vi klarer å
flytte oss høgare i bana og vi pressar Sotra høgt oppe på bana.
Vi tvingar dei til å gjere feil og vinn igjen ballen høgt opp.
Vi klarar likevel ikkje å skape nokon store sjansar, men er
absolutt med i kampen utover omgangen. Sotra scorar likevel 2
mål i første omgang:
0-1 kjem etter at Sotra kjem rundt på sin venstrekant og sler 45
tilbake til 16-meteren og plasserer ballen heilt nede i hjørnet.
0-2 kjem etter eit utspark frå Morten som Viggo står å ser på.
Sotra kjem med mange oppover og spelar seg gjennom og setter inn
sitt andre rett før dommaren bles av til pause.
I andre
omgang startar Viggo best og vi pressar Sotra i starten av
omgangen. Midtvegs i omgangen pressar Roger forsvararen til
Sotra til å putte ballen i eige mål.
Nokon
minutt seinare scorar Sindre sitt første mål for Viggo, med
dessverre er headinga i eige mål til stillinga 1-3.
Are setter
deretter inn eit frispark ifrå 20 meter. Ballen skrur rundt
muren og inn heilt nede i hjørnet til 2-3.
Sotra får
så straffe etter at eit innlegg treff overarmen til Ove. Straffa
blir satt inn oppe i hjørnet til 2-4.
Kampens
siste mål kjem etter at Ørjan spelar eit flott frispark igjennom
til Are som stussar ballen over keeper og inn i målet til 3-4.
Mot slutten
har vi nokon halvsjansar til å utlikne, men det vil seg ikkje.
Dermed blir det eit knepent tap mot Sotra 2, men kampen er
likevel eit klart steg i riktig retning samanlikna med Paradis
kampen.
|
