Kamp referat:
Ørjan vann sidevalet og Viggo startar med medvind i første omgang. I den kraftige vinden på Viggo stadion var det eit godt val. Viggo startar og best og vi pressar høgt mot Ny-Krohnborg i starten av kampen. Dette fører til at vi vinn ballen i gunstige situasjonar høgt oppe i bana ved fleire høver tidleg i kampen og vi skapar ein del sjansar på dette. Etter ei slik gjennvinning legg Martin ballen fint igjen til Stian som klinkar til frå omlag 25 meter og setter ballen nesten heilt oppe i det venstre hjørnet til 1-0 til Viggo.
Etter målet holder Viggo oppe i trøkket i første halvdel av omgangen, mens Ny Krohnborg kjem meir med mot slutten av omgangen. Viggo skapar fleire sjansar til å auke leiinga, men Ny Krohnborg får og ein del veldig store sjansar som følge av personleg feil i Viggo laget. Men ingen av laga scorar meir før pause og Viggo leiar 1-0 ved halvtid.
Etter pause startar kampen jamt, med eit lite overtak til Ny Krohnborg. Dei får og uttelling på ei kontring 6 minutt etter pause, når spissen kjem ned på sin høgrekant og slår eit innlegg som Morten gir retur på, som NyKrohnborg setter i mål til 1-1.
Kampen står og vippar i det meste av andre omgang og ingen av laga får til noko særleg fint spel. Begge lag skapar halvsjansar, men ingen får utteljing før NyKrohnborg får straffe eit kvarter før slutt. Straffe blir satt sikkert i mål og NyKrohnborg har snudd kampen til 1-2.
Viggo pressar på mot slutten for utlikning, og ein skapar ein del farlege sjansar. Men utlikninga kjem ikkje før vi er på overtid og Sondre stussar eit innlegg vidare til Roger som stangar inn utlikninga 2-2. Like etter bles dommaren av kampen.
Kampen endar dermed med eit poeng til kvart lag, noko som ingen av laga var fornøgde med.