|
Kamp referat:
På grunn av mangel på lys i Kringlebotn blei
kampen flytta til Fana si heimebane. Etter eit kort oppvarming
starta kampen med 2 straffer til Kringlebotn. Den første redda
Torbjørn, men den andre var godt plassert heilt nede ved stanga.
Viggo tek avspark og startar kampen klart best. Vi pressar høgt
og vinn ballen høgt i bana fleire gangar. Vi skapar mange store
sjansar, men er ikkje flinke nok framfor målet slik at vi ikkje
klarer å utlikne. Kringlebotn kjem etterkvart meir med i kampen
og dei er flinke til å spele seg ned langs kantane og få til
innlegg.
Midtveis i omgangen spelar Marius N. ein fin pasning til Stian
som dreg seg flott forbi 3 stykker på midten før han sler ei
flott pasning ut til Tonning på venstrekanten. Tonning sler eit
nydeleg innlegg som Stian er på plass å styrer i mål til 1-1.
Resten av omgangen er jamspelt og ingen av laga har nokon store
sjanser før Kringlebotn får til eit skot frå omlag 16 meter som
går inn heilt nede med stanga til 2-1 leiing.
Andre omgang startar jamnar enn den første
omgangen gjorde og Kringlebotn har meir av ballen og spelet.
Viggo blir pressa lavare og vi slit med å få spelet til å flyte.
Utover omgangen blir det gjort ein del bytter og Torstein kjem
inn på midten og få minutt etter han er komen inn sler han ein
nydeleg pasning i bakrommet på Are som elegant tar med seg
ballen på 1-touch før han setter ballen i lengste hjørnet med ei
kjempeavslutning.
Kringlebotn kjempar vidare og 10 minutt før slutt får dei
straffe etter at spissen koliderer med Torbjørn. Straffa blir
satt over målet og stillinga er forsatt 2-2. Mot slutten blir
Viggo pressa langt bak på bana og etter ein corner får vi ikkje
skikkeleg klarert og på innlegget som følger headast det mot
mål. Torbjørn gjer ei kjemperedning, men Kringlebotn er raskast
framme på returen og setter inn vinnarmålet 3-2.
|
