|
Kamp referat:
Første heimekampen i 5.divisjon for Viggo sidan
2006 i eit strålande sommarver med temperatur rundt 20 grader i
skyggen. Motstandar var Halsnøy og kampen skulle bli ei målrik
affære. Viggo startar bra og vi har veldig god kontroll på
kampen i starten. Vi hindrar Halsnøy i å skape sjansar samtidig
som vi er giftige på overgangar. Vi skapar fleire store sjansar
i første omgang og vi klarer å score tre mål. 1-0 kjem etter ein
corner frå Ørjan som Eirik headar på mål og Marius setter
returen i mål. 2-0 kjem etter at Eirik blir spelt igjennom og
setter ballen i mål. 3-0 kjem etter eit langt sololøp frå Sjur,
som går frå høgreback og setter ballen via ein Halsnøy spelar i
mål. Like før pause får Halsnøy ei redusering etter ei svak
avklaring som skapar ein overgang. Ein god førsteomgang av Viggo
der vi kunne hatt både 5 og 6 mål.
Andre omgang startar Viggo bra, og vi skapar
eit par store sjansar i starten til å auke leiinga, men utan å
klare å score. I staden tar Halsnøy over initiativet og skapar
etter kvart store problem for Viggo. 3-2 målet kjem etter ein
corner der Viggo avklarar ballen men Halsnøy skyt ifrå distanse.
Fleire Halsnøy spelarar står i offside og er med i spelet, men
dommaren overstyrer linjemannen og dømmer mål. 3-3 kjem etter
eit flott raid av høgrekanten som skyt ballen i mål. Deretter er
det Are sin tur til å score etter flott Viggo spel til 4-3.
Omtrent rett frå avspark kjem Halsnøy på nytt i angrep og nok
ein gang er det høgrekanten som er på farten og setter inn 4-4.
Are er ikkje ferdig for dagen og eit langskot frå 25 meter susar
inn heilt nede med stanga til 5-4. Halsnøy sler kjapt tilbake og
utliknar til 5-5 kort tid etter. Eit kvarter før slutt får
Halsnøy frispark frå 18 meter. Ballen susar heilt opp i vinkelen
til 5-6.
Det blir ikkje fleire mål, sjølv om Viggo har
eit par store sjansar mot slutten til å utlikne. Ein dårleg
andre omgang ødelegg kampen for Viggo, på ein dag der vi heller
ikkje har dommaren med oss. Eit mål i frå klar offside blir
godkjent, samtidig som kapteinen til Halsnøy hoppar opp å slår
ballen mot mål, men får ikkje gult kort for viljehandsen som
ville ført til utvisning. Vi kjempar godt mot slutten og
forsette innsats kjem vi til å få med oss poeng i neste kamp.
Halsnøy sitt
referat.
|
