|
Kamp referat:
Semifinalen i KM skulle avgjerast på Slåtthaug. Smørås stilte
med eit sterkt lag med forsterkingar frå 1-laget. Kampen startar
jamt og det er i starten ingen av laga som klarar å få noko
overtak. Etter kvart tek Smørås over litt av initiativet, og dei
er flinke til å spele seg igjennom midt å kome i overtal høgt
oppe i bana. Dei skapar ein del halvsjansar utan å kome til
store målsjansar. Viggo er farlege på nokon raske overgangar,
men vi klarer heller ikkje å skape store målsjansar, slik at
stillinga til pause er 0-0.
Smørås hevar seg enda eit hakk til andre omgang og i starten av
omgangen blir Viggo pressa kraftig bak på bana. Smørås får
utteljing når dei kjem på eit løp gjennom midten og ein
stikkball til spissen som dunkar ballen i motsatt hjørne til
1-0. Smørås held oppe trykket og skapar fleire store sjansar
utan å klare å score fleire mål. Viggo tar tak og hevar seg
kraftig siste 10-15 minutta av 2.omgang, og vi pressar Smørås
langt bak på bana. Vi har eit par store sjansar, men ballen
stryk like utanfor stengene til Smørås. I siste minutt sender
Petter ein lang pasning opp i feltet, som Eirik headar mot mål.
Keeper reddar, men Eirik er frampå å setter inn returen til 1-1.
Dermed blir det ekstraomgangar, der ingen av laga klarar å
score. Smørås har overtaket, men Viggo skapar omtrent like mykje
sjansar. Dermed er det klart for straffer. Viggo startar med
Ørjan som får straffa si redda.
Morten følger opp med redning av Smørås sin første straffe.
Deretter scorar Eirik, Kent-Ove, Roger og Christopher for Viggo,
samtidig Smørås puttar på sine 4 neste straffer. Ove bommar
deretter på Viggo sin sjette straffe og når Smørås scorar på sin
er dei klare for KM-finalen.
Smørås sitt
referat.
|
