|
Kamp referat:
Første kampen for sesongen
for Viggo og motstandar var Galgen. Litt vinterlege forhold på
Nymark, men bana var fullt spelbar. Hyggeleg var det og at
dommar trio møtte, slik at vi fekk linjemenn!
Viggo starta ut i ein 4-2-3-1 formasjon og
starta med å ta initiativet i kampen. Vi styrer mykje i starten
av kampen, utan at spelet flyt veldig bra. Vi kjem fint fram på
høgrekanten ved eit par høve og ein gang får vi ballen i mål,
men linjemannen er oppe med flagget og vinkar av for offside på
Eirik. Galgen kjem meir inn i kampen etter kvart og er farlege
på dødballar. Lange innkast og frispark, men vi klarar å avklare
dei fleste av desse. Etter eit innkast kjem ballen inn i feltet
igjen og sprett opp i handa til Sjur. Dommaren peikar på
straffemerket og Galgen setter ballen sikkert i mål til 0-1
leiing. Etter scoringa har Galgen overtaket i kampen. Dei er
veldig aggressive i presset og stressar Viggo ut av stilen, og
dei holder på leiinga til pause.
I 2.omgang startar Viggo best, men vi klarar
ikkje å skape dei store sjansane før mot slutten av omgangen. Vi
blir ofte brotne på vei framover på bana og klarar ikkje å holde
trykket oppe. Galgen er farlege på kontringar og i tillegg er
dei flinke på dødballar i 2.omgang og. Mot slutten av kampen
flyttar Viggo opp meir folk og får eit kraftig trykk mot Galgen
målet, men Galgen holder unna og tar sigeren i kampen.
Første kampen for året
var ikkje noko god kamp av Viggo. Vi får ikkje spelet til å
flytte, vi tapar for mange duellar og vi lar oss stresse av at
Galgen er aggressive. Heldigvis er det over to månadar igjen til
seriestart når vi møter Galgen på nytt og skal ha revansj for
tapet.
|
