Kamp referat:
Flott kampver på Krohnsminde med lett duskregn og fin temperatur var ramma for starten på haustsesongen. Viggo tek avspark i 1.omgang og vi prøvar å få spelet vårt til å flyte. Galgen er aggressive i duellane og vinn mange av 50-50 duellane i starten av kampen. Galgen er farlege på dødballa og knallharde innlegg og cornerar skapar problem for Viggo. Midt i omgang blir ein corner stussa i mål frå første stolpe og Galgen leiar 1-0. Viggo skapar nokon sjansar, men vi klarar ikkje å sette ballen i mål.

I staden er det Galgen som bryt eit Viggo angrep omtrent på midten og setter fart framover. Eit par pasningar seinare ligg ballen i målet og stillinga er 2-0. Viggo sler tilbake rett etterpå. Martin kjempar ballen til Ørjan som går forbi ein mann og setter inn 2-1 målet. Som og er stillinga til pause.

Viggo startar andre omgang betre og vi styrer meir av spelet i andre omgang. Vi får ikkje uttelling før det er spelt 75 minutt, når Ørjan igjen dunkar inn utligninga. Mot slutten har vi eit par store sjansar til å ta sigeren, men vi klarer ikkje å sette inn vinnarmålet slik at kampen endar 2-2.