Kamp referat:
Pinsa blei avslutta med kamp mot Nore Neset. Det strålande sommarveret hadde teke pause før kampen og det var flotte forhold på Viggo stadion. Ein stor Viggo tropp stilte til kamp og vi var veldig motiverte på å følgje opp den gode kampen mot NHH3.

Kampen startar strålande for Viggo. Vi får ein corner etter 2 minutt, Anders M sler ein strålande corner som Ove stangar i mål til 1-0 leiing. Vi held oppe presset utover omgangen, men Nore Neset er  aggressive og kjempar godt i mot. Dei hindra oss i å spelet til å flyte, og dei er flinke til å bryte oss. Nore Neset skapar ein del farlege sjansar på dødballar og innkast, men Viggo står imot og er flinke til å rydde unna. Viggo skapar og ein del farlege sjansar og vi har to til i stengene i første omgang og ein 2-3 store sjansar, men vi får ikkje ballen i mål slik at stillinga er 1-0 til pause.

2.omgang startar omtrent som første omgang sluttar, med Viggo som det førande laget. Men Nore Neset held oppe aggressiviteten og hindrar oss i å få spelet til å flyte, samtidige som dei er farlege på dødballar. Etter kvart får vi det til å flyte betre og vi skapar fleire store sjansar utover omgangen. Målet kjem først etter ein feil på midten av Nore Neset som Daniel T. snappar opp og sender Martin aleine med keeper. Martin trillar ballen sikkert inn i målet til 2-0. Etter dette skapar vi fleire store sjansar, men Nore Neset har ein del farlege dødballar mot slutten. Ingen av laga klarar å score meir slik at kampen endar med 2-0 seier for Viggo.

God kamp av alle som er med i dag, og vi vinn ein skikkeleg sliteseier over eit godt Nore Neset lag.