Kamp referat:
Den tredje bortekampen for sesongen var mot NHH 3 som toppa tabellen før kampen starta. Ei våt bane i Åsane, der veret varierte frå snøstorm til klar himmel. Vi er bestemte på å revansjere tapet mot Skogsvåg og ein motivert gjeng møter til kamp.

Kampen startar jamt og NHH 3 prøvar å holde ballen i laget og spele ballen inn i bakrommet. Viggo er med på det meste og vi ryddar opp alt som kjem imot oss. Etterkvart tar vi over meir av spelet. Vi tar ned ballen og har mange fine kombinasjonar, NHH blir springane mykje imellom og slit med å få ta i ballen. I tillegg er vi flinke til å variere kva side vi angripe på samt at vi er tøffast i dei fleste duellane.
0-1 målet kjem etter eit flott innlegg som Marcin kan styre imål bak keeper.
0-2 er ei perle av eit mål, vi spelar oss fint gjennom på midten, før Ørjan vender opp på 20 meter og dunkar ballen heilt opp i krysset.
Vi har fleire sjansar til å score i første omgang og leiinga til pause kunne vore større.

NHH hevar seg i starten av andre omgang, og setter litt press på Viggo dei første minutta. Vi ryddar unna og hindrar NHH i å kome til nokon store sjansar. Etter kvart tar vi over initiativet igjen og styrer det meste som skjer. Vi spelar oss fint igjennom forsvaret til NHH ved fleire høve og har mange sjansar til å score mål.
0-3 kjem etter eit flott innlegg til frå Anders M. som Marcin stangar inn til sitt andre mål.
0-4 kjem frå eit frispark frå Anders M, som skrur ballen i lengste hjørne frå om lag 20 meter.
0-5 kjem etter at Christopher lurer eit par på midten før han setter ballen i mål via stanga frå cirka 20 meter.
I tillegg til måla har vi ein straffebom, ei heading frå Eirik som blir annulert for offside og eit kanonskot i stanga frå Eirik. NHH har eit par halvsjansar og vi har ei avklaring på streken, elles har vi god kontroll bakover.