Kamp referat:
Vårsesongens siste oppgjer var mot eit av mange topplag, Mathopen. Kampen vart 20 minutter forsinka då det ikkje var satt opp dommar til kampen utan at dette var registrert hos arrangøren. Heldigvis kom Kjell Gilleshammer på kort varsel og gjorde ein grei figur.

Hos Viggo mangla 3 spelarar frå forrige kamp, deriblant to i forsvaret. Det var gått 35 sekunder då Martin fekk ballen rettvendt på venstresida og parkerte backen før han låg inn til Marcin som kunne skli inn 1-0 etter 41 sekund. Perfekt start for Viggo.

Mathopen har en svak vind i ryggen og har det meste av ballinnehavet etter dette. Me er likevel vel så farlege dei gongane me får satt fart på ballen. Etter cirka 20 minutt vert Marcin sparka ned på høgresida. Matta tar turen fra midtstopparplass for å slå innoverskrudd frispark. Det er god fart i ballen og etter litt om og men får Eirik pirka inn 2-0. Resten av omgangen er jamn men med Viggo som det farlegaste laget.

Andre omgang er spelt 10 minutt då Stian slår ein crossar mor Eirik som igjen legg ut til Ørjan på spissen av 16-meteren. Han dreg av ein mann før han skyt hardt i næraste hjørnet. Dermed 3-0 og lavare skuldre hos Viggo og surare tonar fra Mathopen. 4-0 kjem etter 64 minutt da Martin som heile tida var ein trussel får med keeper på ein liten tur før han skyt via eit Mathopenbein og i mål. 5-0 fem minutt seinare då Roger får lagt flatt inn foran mål og Eirik får ein grei jobb med å putta ballen i mål. 6-0 er vel dagens prestasjon då Eirik kjem på et langt løp. Frå cirka 24 meter chippar han ballen nydeleg over ein utrusande burvoktar hos bortelaget. Ein særs glad Eirik kan ta imot hyllesten frå lagkameratar som tremålsskårar.

Me vinn faktisk 6-0 på ein dag då ikkje alt stemmer like godt. Me jobbar og slit og folk er disiplinerte i forhold til oppgavar på bana. Ein heilt grei måte å avslutta vårsesongen på. Det vert ein spanande haust der det er fleire lag som kjempar om opprykk. Glenn får sin debut i Viggodrakta idag og kom godt i frå det.