Kamp referat:

Nygårdsmyren var arena for bortekampen mot Krabbetor. På grunn av sauesanking var det ingen som hadde nøklar til garderober og ombytting skjedde i friluft. Kampen starta med eit klart overtak til Viggo og vi pressar Krabbetor langt bakover i starten av kampen. Vi får uttelling etter om lag 10 minutt når Ørjan trer igjennom Martin med ei nydeleg pasning, og Martin setter ballen i mål til 1-0. Eirik doblar leiing med ei nydeleg heading etter flott innlegg frå ventresida. Krabbetor kjempar seg tilbake å får ei redusering etter eit skot frå omtrent 20 meter. Viggo sler kjapt tilbake og ein corner frå Ørjan blir stussa ned i feltet og Eirik dunkar sitt andre for dagen til 1-3 leiing for Viggo. Vi skapar fleire sjansar til å auke leiinga før pause. I staden er det Krabbetor som får nok ei redusering etter nok eit skot frå om lag 20 meter. Det siste som skjer før pause er at Krabbetor får straffe. Dommaren seier han ser ein hands, men veit ikkje heilt kven som handsar. Han peikar likevel på straffemerket og Krabbetor utliknar før pause.

Andre omgang startar dårleg for Viggo, når Krabbetor får frispark frå 25 meter. Skotet går via muren å skiftar retning før ballen går i mål til 4-3 leiing til Krabbetor. Rett etter målet får Krabbetor nok eit straffe etter at dommaren igjen ser hender og ball som treffast. Straffa smell i tverrliggaren og det er framleis 4-3. Viggo slit med å få spelet til å flyte i andre omgang, og vi klarar ikkje å skape det store presset mot Krabbetor. Første heilt på slutten får vi satt press mot Krabbetor, men ei heading i tverrliggaren er det nærmast vi kjem utlikning. Vi tapar dermed den første kampen for haustsesongen.