Kamp referat:
Siste kampen i TBWL var ein vanskeleg bortekamp mot Smørås på ei bane som hadde tildels mykje snø på eine sida. Vi bestemte oss før kampen for å gå ut å presse Smørås, men eit godt Smørås lag tok initiativet i kampen nesten rett frå avspark. Dei var veldig aggresive og pressa Viggo til å gjere feil og vi fekk ikkje spelet til å flyte. Likevel skapar dei ikkje mykje sjansar og vi forsvarar oss bra. Etter omlag 20 minutt kjem dei seg likevel rundt på sin høgrekant og eit innlegg på bakerste stolpe blir styrt i målet bak Morten.
Viggo slår raskt tilbake og eit frispark på midten fører til eit langt innlegg frå Anders E. som gir ein retur utanfor 16-meteren. Marius Nesse tar ned ballen og dunkar den i lengste hjørne til 1-1. Resten av omgangen er jamspelt og begge lag har sjansar til å ta leiinga, men ingen lukkast med å få ballen i mål.
Andre omgang startar veldig bra for Viggo. Vi bryter høgt i bana og Ørjan blir spelt i fin posisjon. Han rundar keeper og setter inn 2-1 leiing for Viggo. Etter målet har vi overtaket i starten av omgangen, men Smørås kjempar seg inn i kampen igjen og Viggo blir etterkvart pressa langt bak på bana. 2-2 målet kjem etter Smørås frå snu opp på midten og sender avgarde eit skot som skiftar retning på vei mot mål og gjer at Morten er sjanselaus. Smørås held initiativet i kampen, men Viggo forsvarar seg bra. Eit kvarter før slutt kjem likevel Smørås seg gjennom, med eit gjennomspel til ein offside plassert spelar. Dommaren bles ikkje og dermed står det 3-2 til Smørås.
Viggo tar seg skikkeleg saman dei siste 10 minutta og vi pressar Smørås veldig langt bak på bana. Vi skapar fleire store sjansar, men vi lukkast ikkje med å få ballen i nettet. Kampen endar dermed med 3-2 seier for Smørås.