Kamp referat:

Endeleg heimekamp på Viggo stadion igjen og tidleg på ein laurdagsmorgon var Nore Neset motstandar. Viggo startar kampen bra og vi tar initiativet med flotte kombinasjonar og høgt press. Vi kjem oss stadig rundt på kantane og vi kjem til fleire halvsjansar i starten av kampen. Etter fleire sjansar får vi uttelling når Daniel T. sler eit innlegg frå venstrekanten. Eirik går i duellen og ballen susar i mål til ein fortent 1-0 leiing til Viggo. Utover omgangen kjem Nore Neset meir med i spelet og etter ein halvtime får dei ei veldig billig straffe. Straffa går i mål og stillinga er 1-1. Viggo kjempar vidare og på ein corner får Daniel N. stå heilt aleine midt framfor mål og heade inn 2-1 leiing til Viggo som og er stillinga til pause.

2.omgang startar dårleg for Viggo, og Nore Neset utliknar kjapt etter pause, før dei tar leiinga 2-3. Viggo slit med å få spelet til å flyte og det blir veldig oppstykk. I tillegg er Nore Neset flinke til å presse høgt og vinner ballen høgt oppe i bana ved fleire høve. Mot slutten av kampen hevar Viggo seg igjen, og siste 15 minutta pressar vi på for å få utlikinga. Heilt mot slutten får Marcin ein kjempesjanse, men keeper slår ballen i stanga. På overtid kjem Sjur seg gjennom og dunkar inn eit fortent utlikning til 3-3.

Viktig med eit poeng mot slutten av kampen på ein dårleg Viggo dag.