Kamp referat:

Siste kampen i vårsesongen skulle ha avspark klokka 13:00 på Ågotnes, men ein forsinka dommar gjorde at kampen vart utsatt eit kvarters tida. Når kampen kom i gang var det eit heiltent Viggo lag som ta initiativet frå starten av i kampen. Vi trillar ballen og skapar sjansar heilt i frå starten. Etter om lag fem minutt får vi utteljing når Marius setter inn ballen på bakerste stolpe etter flott forarbeid av Martin B. Viggo held oppe fokuset og styrer det meste som skjer på bana. Ørjan fyrer av eit kjempeskot etter 15 minutt som aukar leiinga til 2-0. Keeper har nok ikkje heilt med seg marginane på dette skotet sjølv om Ørjan fekk kjempetreff. Vi helde opp trykket utover i omgangen og første halvdel av omgangen er det Viggo som styrer alt og vi skapar massevis av sjansar. Nordre Fjell kjem litt inn i omgang frå 25 minutt og i ein 10 minutts periode tar dei over initiativet. Viggo blir litt passive og vi vinn ikkje nok duellar. Mot slutten av omgangen tar Viggo igjen over styringa i kampen og det er fortent når Martin B setter inn 3-0 som og er pauseresultatet.

2.omgang startar som første med overtak til Viggo, men Nordre Fjell tar etter kvart over initiativet og for store delar av omgangen er det dei som er det beste laget. Viggo blir passive og vi tapar duellar som vi vant i første omgang. Viggo er likevel farlege på kontringar og vi skapar også i 2.omgang fleire store sjansar der vi kan auke leiinga. Nordre Fjell kjem ikkje til så mange store sjansar og er først og fremst farlige på dødballar. På ein corner får dei og utteljing når Stian går i duell på bakerste stolpe, men er uheldig og blir pressa til å heade den i eige nett. Viggo rir av den siste sluttspurten av Nordre Fjell og vi vinner 3-1. Ein viktig siger for Viggo, etter ein strålande 1.omgang men heller svak 2.omgang.