|
Søndag 18.april 2010 18:00, Viggo Stadion
Forfatter: Stian Vik Birkestrand
Kampfakta
Resultat:
8-0 (4-0)
Dommar: Jakob Nordberg
Nørgaard
Lagoppstilling:
Trond Arild Klever; Kent-Ove Øybost, Ove Johnny Rauset, Thomas Rikstad,
Anders Eide; Marcin Sikorski, Kurt Rauset, Olav Eikenes, Eirik Klyve
Dalland; Ørjan Gjerstad, Martin Brandtun
Innbytte:
58: Roger Nordal – Ørjan Gjerstad
63: Victor Cid – Olav Eikenes
70: Kristian Gjerstad – Ove Johnny Rauset
75: David Bendiksen – Trond Arild Klever
82: Ove Johnny Rauset – Martin Brandtun
Det var ein fin dag for fotball på Viggo Stadion då dei blågule skulle
starte årets sesong mot strilane frå Hordabø. Det var kaldt i været og
det hadde allereie vore både strålande solskinn og snøstorm. Utenom ein
oskefast Martin Paulsen stilte Viggo med toppa lag og ingen
overraskelser. Spiss Ørjan Gjerstad som hadde slitt med ei slapp skulder
siste vekene friskmeldte seg i siste liten og gjekk rett inn på laget.
Det skulle tidleg vise seg at Hordabø
ikkje var noko målestokk for eit sprudlande Viggolag. Allereie etter
1min får Kurt Rauset ein halvsjanse som han set over mål. 5min seinere
får Ørjan Gjerstad eit fint gjennomspel på venstekant som han ligg hardt
inn langs bakken mellom forsvar og keeper. På bakerste stolpe dukker
målsniken Martin Brandtun opp og fører enkelt Viggo opp i 1-0. Viggo har
eit solid overtak i byrjinga men
Hordabø speler seg likevel til
ein sjanse etter snaue 10min.
Passivt forsvarsspel sørger for at Hordabø får skutt frå rundt 14meter
og skuddet slår Trond i tverrligger og ut.
Etter dette skal det meste dreie seg om Viggo og Ørjan Gjerstad. Først
er det Brandtun som får ein fin sjanse før Anders Eide kjem på eit av
sine mange raid langs venstrekanten og legg eit nydeleg innlegg til
Marcin Sikorski som dessverre ikkje klarer å sette pannebrasken til.
Kort tid etter er det corner frå
høgre som Thomas Rikstad rett og slett bommer på ballen. Etter 19min
kjem eit presist utspark frå keeper Trond Arild Klever til Ørjan
Gjerstad på 25meter. Gjerstad tar fint ned på brystet og sleiver ballen
i ein fin boge over Hordabøkeeperen til 2-0.
Kun
få minutter etter roter Hordabø-forsvaret. Marcin Sikorski presser høgt
og bryt til Martin Brandtun. Han speler fri Sikorski på høgrekanten som
legg nok eit hardt innlegg langs bakken til Gjerstad som set ballen
sikkert til 3-0.Etter dette fortsett Viggo presset og spesielt høgresia
er farleg i denne perioden.
Eit dårleg utspel frå Hordabøkeeperen etter halvtimen spelt gjer at
Brandtun får headet ned til Gjerstad som kjapt speler Kurt Rauset aleine
med keeper. Diverre er ikkje Rauset like kald aleine med keeper som
Lucas var det mot Benfica og ballen triller svakt til side for mål. Like
etter kjem likevel 4-0 då Sikorski legg endå eit innlegg langs bakken
framfor mål. Der har Eirik Klyve Dalland timet løpet perfekt og
hælflikker ballen i mål. Etter dette dett Viggo litt nedpå og Hordabø
får eit par småsjanser etter dårleg defensiv innsats frå Viggo.
Allikevel blir det aldri skikkeleg farlig når Hordabø er framme. Derimot
får Viggo avblåst eit mål for offside feilaktig då Gjerstad triller
ballen forbi keeper til ein Brandtun som kjem på løp BAK nevnte
Gjerstad. Gjerstad har også ein frekk lobb i stolpen like før pause.
Viggo leier komfortabelt 4-0 til pause og sjølv om trenar Kjell Lygren
er forbanna etter at ein slepp seg litt nedpå på slutten av omgangen kan
ein ikkje anna enn å vere nøgd med serieopninga så langt. Hordabø kom
tidleg bakpå og har hatt overraskende dårleg innsats. Viggo har vore
presis i siste halvdel av bana og i tillegg har dei hatt meget gode
innlegg som er slått hardt, presist og stort sett lavt inn mellom
forsvar og keeper.
Andre halvleik startar som første med eit solid Viggo-overtak og mange
sjanser. Ørjan Gjerstad kjem kjapt aleine med keeper men ein fin redning
sørger for fortsatt 4-0. Også Thomas Rikstad får nok ein muligheit på
corner utan uttelling. Etter 50min kjem Hordabø sin kanskje største
moglegheit og den blir skapa av kommunikasjonssvikt mellom Ove Rauset og
Trond Arild Klever. Det ender dog berre i ein ufarleg corner. Like etter
dette fører nok eit dårleg utspel frå Hordabøkeeperen til at Martin
Brandtun kjem aleine med keeper. Han trillar diverre ballen like til
side for mål. Etter 55min kjem 5-0. Martin Brandtun fører ballen fram
over midten og slår ein nydelig stikker til Marcin Sikorski mellom
stoppar og back. Frå skrå vinkel rundar Sikorski keeper elegant før han
set ballen i mål. Etter dette kjem Anders Eide til ein god mulighet før
han etter 62min regisserer dagens finaste angrep. Eide stormar opp langs
venstresia og speler vegg med Ørjan Gjerstad. Legg lavt inn og på
bakerste dukkar måltyven Eirik Klyve Dalland opp igjen og breisider
ballen i mål. 6-0 og dei trofaste Viggosupportarane på sidelinja byrjar
å drømme om tosifra.
64 minutt og Hordabø kjem til ein sjeldan avslutning som Trond Arild
Klever må slå til corner. 7-0 kjem like etter. Fin langpasning frå Kurt
Rauset til Marcin Sikorski som enkelt runder ein keeper som er
rekordtidleg ute på blåbærtur. Han legg inn til Martin Brandtun som set
ballen i det tomme buret. Etter 70 minutt er det duka for ein
Viggodebutant. Bror til Ørjan Gjerstad, Kristian Gjerstad, som like før
sesongstart kom frå Årstad kjem inn på høgrekanten. Etter 74 minutt er
det innbyttar Victor Cid som raider ned langs venstresia og legg inn til
Martin Brandtun som set ballen like utenfor. Brandtun får på ny sjansen
etter 82 minutt då Anders Eide legg innlegg nr. 28 lavt inn mellom
forsvar og keeper. Nok ein gang er unge Brandtun på rett plass til rett
tid og stillinga er 8-0. Etter dette ebber kampen ut og sia mange
spelere og dommar skal på Stadion blir det inga tilleggstid.
Vel gjennomført serieopning av Viggo der dei leve opp til
favorittstempelet i avdelinga.Hordabø blei aldri noko målestokk og det
er derfor vanskeleg å vite kor bra dette resultatet egentlig er. Uansett
var det mykje presist angrepsspel og spesielt innlegga var av høgare
kvalitet enn ein er vant til på dette nivået. Samtlige spelere gjer ein
bra kamp og også innbyttarane kjem inn og visar innsats og speleglede.
Kampens stjerner:
***
Anders Eide
**
Ørjan Gjerstad
*
Marcin Sikorski
|
