|
Årets graskamp var borte mot Njardar/Tysnes. Oppladninga til kampen
var dugnad for dei fleste av spelarane, men dugnaden vart avslutta i god tid
slik at alle spelarane rakk ferja. Verre var det med støtteapparatet som blei
for seine på ferja og dei rakk dermed ikkje kampen.
Kampen starta på det uvanlige tidspunktet 17:40, og det såg ut til å passe Viggo
veldig bra då vi starta kampen med eit klart overtak. Allereide etter 3 minutter
spelar vi oss fint framover og Vidar prøvar med eit skot/pasning som havnar hos
Roger som får sjansen til å sette sitt første, men trass i eit godt forsøk går
ballen like utanfor stolpen. På ein cornar like etter får Thomas den største
sjansen sin for sesongen når han møter ballen på første stolpe men ballen går
litt for høgt og susar over tverrliggaren. Viggo forsetter å styre kampen og
etter 20 minutter startar vi eit flott angrep på høgrekanten, Frode kjem seg
heilt til linja og legger inn til Bjarte som med hælen styrer ballen i mål.
Dermed ledar vi 1-0.
Etter målet blir vi pressa litt lavare i bana og Njardar kjem seg litt høgare.
Njardar sler mest i bakrommet og på ein av desse kjem dei seg gjennom aleine med
Trond og klarar og sette ballen i mål til 1-1. Njardar skal og vere veldig glada
for at dei kan fullføre omgangen med 11 mann, etter at ein spelar sler Stian med
albogen men kun får gult kort av ein inkonsekvent dommar.
Andre omgang startar og med overtak til Viggo, og dei nye som får prøve seg
viser positive takter. Viggo står høgt i bana og bryter Njardar tidleg i
oppspelsfasen. På ein av desse headar Ove til Bobbo som stussar vidare til
Martin B. som stormar frå forsvaret til Njardar og setter inn ballen til 2-1 til
Viggo. Viggo forsetter å presse og skape sjansar, og har mange muligheiter til å
auke leiinga.
Njardar skapar nokon farlige dødballer og på ein corner bommar Trond på ein
boksing og Njardar kan putte ballen i mål til 2-2.
Mot slutten av kampen blir det ein del store sjansar til begge lag, men ingen
klarer å score og når dommaren finn ut at ferja snart skal gå bles han av
kampen. |
